Guliston davlat pedagogika instituti

Ушбу мақолада web 2.00 даври маҳсули бўлган Янги медиа истилоҳининг мазмуни, мазкур тушунча ҳақидаги илмий ёндашувлар, янги медианинг анъанавий медиадан фарқи, принциплари, асосий хусусиятлари, ижобий ва салбий жиҳатлари, медиасаводхонлик масалалари ҳамда истиқболда янги медиа мутахассисларини тайёрлаш бўйича фикрлар, таҳлиллар, ҳаволалар ўрин олган. Калит сўзлар: янги медиа, анъанавий медиа, алтернатив медиа, ижтимоий медиа, Web 1.0 (monolog), Web 2.0(interactive web), Web 3.0 (semantic web), Web 4.0(intelligent web), виртуал платформалар, интерактивлик, демассификация, асинхронлик, транскодлаштириш, автоматлаштириш, медиасаводхонлик, виртуал реаллик, SEO, Google Ads / AdWords, SEM, White Hat Hacker едиа ва анъанавий медиа тушунчалари. Маълумки, бугунги кунда инсонлар Мдунёда содир бўлаётган ўзгаришлар ва янгиликлар тўғрисида ОАВ орқали хабардор бўлишмоқда. Ҳозирда аксарият мутахассислар томонидан оммавий ахборот воситалари шартли равишда икки таснифга – “Янги медиа” ва “Анъанавий медиа”га ажратилмоқда. Жамиятга маълум бир вақт оралиғида ахборот ва маълумот узатилишини таъминлайдиган барча визуал ва аудио воситаларга нисбатан “Медиа” атамаси қўлланилади. Олим ва тадқиқотчилар томонидан сўнгги чорак аср давомида технологияларнинг тез суръатлар билан ривожланиши туфайли ички таснифи кенгайётган оммавий ахборот воситаларига ҳамда асрлар давомида фойдаланиб келинган босма ва визуал воситаларга нисбатан анъанавийлик мақоми берилмоқда. Янада аниқроқ қилиб айтилганда, анъанавий медиа воситаларига газета, журнал, радио ва телевидение каби бир каналли ҳамда асосан тарғибот мақсадида фаолият юритувчи медиа органлари мансубдир. 1.2. Янги медиа – web 2.00 маҳсули Янги медиа бу медиа эволюциясидаги рақамли форматда ҳаётимизга кириб келган тушунчадир. Оммавий ахборот воситаларидан бири бўлган интернет орқали тамал пойдевори қўйилган янги медианинг шаклланиши ва ривожланиши Web 1.0, Web 2.0 ve Web 3.0 даврлари билан боғлиқдир. (1-жадвал) 1-ЖАДВАЛ. Интернет технологияларининг Изоҳ ривожланиш босқичлари Web 1.0 (monolog) матн-ҳужжатга йўналтирилган; 1995-2000 йиллар Бу босқичда интернет фойдаланувчиси фақат истеъмолчи мақомида эди. Маълумотлар асосан матнли форматда тақдим этилар эди. Интерактивлик, ўзаро таъсир мавжуд эмас. Бир сўз билан айтганда “пассив интернет босқичи” дейиш мумкин. Web 2.0 (interactive web) Инсон, шахсга йўналтирилган; 2000-2010 йиллар Комьютер саноатидаги янги технология босқичи. Бу босқичда қидирув тизимлари, виртуал луғатлар ҳамда ижтимоий тармоқлар, шунингдек, XML, API, AJAX, RSS, blog каби технология ва дастурларга асос солинди. Бу босқичда интерактивлик кузатилади. Инсонларнинг виртуал муҳитда ўзаро мулоқот қилиш имконияти яратилди. Web 3.0 (semantic web) Билимга йўналтирилган; 2010-2020 йиллар Инсон-машина, машина-машина, инсон-инсон муносабатлари таъминланган босқич. Web 4.0 (intelligent web) Виртуал реалликка йўналтирилган; 2020-2030 йиллар Янги медиа тушунчасини майдонга келтирган босқич бу Web 2.0 (interactive web) босқичидир. Чу

Омонов Равшанжон. ЯНГИ МЕДИА ДАСТУРЛАРГА ДОИР СИНЕРГЕТИК ЁНДАШУВ, ТЕНДЕНЦИЯ ВА МЕДИАСАВОДХОНЛИК // MEDIAMAKONDA AXBOROT MADANIYATINI SHAKLLANTIRISHNING IJTIMOIY-FALSAFIY MUAMMOLARI. GULISTON DAVLAT PEDAGOGIKA INSTITUTI, 2024, B.173-180. — https://konferensiya.gspi.uz/maqola/1183