Guliston davlat pedagogika instituti

Мазкур мақолада Ўзбекистон ҳудудидаги миграциянинг ижтимоиймаданий жараён сифатида жамият тараққиётига таъсири таҳлил қилинган. Меҳнат миграцияси мамлакат иқтисодиётида муҳим ўрин тутиши билан бирга, ижтимоийдемографик ўзгаришларга, маданий алмашинувга ва ижтимоий интеграция муаммоларига сабаб бўлиши мумкин. Шунингдек, миграцияга оид давлат сиёсати ва унинг самарадорлиги таҳлил қилинган. Миграция жараёнларининг ижтимоий ва маданий оқибатлари жамият тараққиётига турли йўналишларда таъсир кўрсатади. Калит сўзлар: Миграция, ижтимоий интеграция, маданий алмашинув, демографик ўзгаришлар, давлат сиёсати, меҳнат миграцияси ириш. Миграция ҳодисаси жамият ривожланишининг ажралмас қисми бўлиб, турли тарихий даврларда сиёсий, иқтисодий ва маданий ўзгаришларга сабаб Кбўлган. Айниқса, 21-асрда миграция жараёнлари глобаллашув, иқтисодий ва экологик омиллар таъсирида янада фаоллашди. Ўзбекистонда ҳам меҳнат миграцияси муҳим ижтимоий-иқтисодий жараёнга айланиб, мамлакатнинг ички ва ташқи сиёсатининг марказий йўналишларидан бири бўлиб қолмоқда. Мазкур тадқиқотда миграциянинг ижтимоий-маданий жараён сифатида жамият тараққиётига таъсири ўрганилади. Миграция нафақат иқтисодий фойда олиб келади, балки жамиятнинг демографик таркиби, маданий алмашинув, ижтимоий структураларга ҳам кучли таъсир кўрсатади. Шунингдек, бу жараён натижасида пайдо бўладиган ижтимоий интеграция муаммолари ва уларни ечишда давлат сиёсати муҳим аҳамиятга эга эканлиги таҳлил қилинади. Ўзбекистондаги меҳнат миграцияси жараёнлари турли соҳаларга қандай таъсир кўрсатиши ва мигрантлар ҳамда уларнинг оилалари учун ижтимоий оқибатлари қандай бўлиши мумкинлиги ушбу тадқиқотнинг асосий мавзуси ҳисобланади. Миграциянинг Ўзбекистон ҳудудида ижтимоий-маданий жараён сифатида жамият тараққиётига таъсири. Ўзбекистон ҳудудида миграция жараёнлари кўп асрлик тарихга эга бўлиб, бу жараёнлар миллий маданият, ижтимоий структура ва иқтисодий ривожланишга катта таъсир кўрсатган. Ҳозирги кунда ҳам миграция Ўзбекистон жамиятидаги муҳим ижтимоийиқтисодий ва маданий жараёнлардан бири ҳисобланади. Унинг таъсири нафақат иқтисодий кўрсаткичларга, балки демография, маданият ва ижтимоий тузилмаларга ҳам катта аҳамиятга эга. 1. Меҳнат миграцияси ва иқтисодий таъсир Ўзбекистон аҳолисининг катта қисми хорижий мамлакатларда, асосан Россия, Қозоғистон, Туркия ва бошқа давлатларда меҳнат мигрантлари сифатида ишлаб келмоқда. 2020-йилларга келиб, меҳнат миграцияси Ўзбекистон иқтисодиётида муҳим омилга айланди, чунки мигрантлар юборган пул маблағлари мамлакатнинг ички валюта захираларини тўлдиришда катта аҳамиятга эга. Бироқ, бу жараённинг ижтимоий таъсири катта кўламли. Меҳнат мигрантлари Ўзбекистондаги оилаларнинг иқтисодий барқарорлигини таъминлашда муҳим роль ўйнасада, оилавий муносабатларга, айниқса, болалар тарбияси ва ижтимоий тартибга салбий таъсир кўрсатади. Ота-оналарнинг хорижда бўлиши болаларда ижтимоий қийинчиликлар ва ёлғизлик ҳиссини юзага келтириши мумкин. 2. Демографик ўзгаришлар Меҳнат миграцияси мамлакатда аҳоли мигр

Худайбердиев Мансур Закиржанович. МИГРАЦИЯНИНГ ЎЗБЕКИСТОН ҲУДУДИДА ИЖТИМОИЙ- МАДАНИЙ ЖАРАЁН СИФАТИДА ЖАМИЯТ ТАРАҚҚИЁТИГА ТАЪСИРИ // Globallashuv sharoitida migratsion jarayonlarning mafkuralar va madaniyatlarga ta’siri: muammo va yechimlar. GULISTON DAVLAT PEDAGOGIKA INSTITUTI, 2024, B.14-16. — https://konferensiya.gspi.uz/maqola/1896