Guliston davlat pedagogika instituti

Mazkur tadqiqotda XIX asr oxiri – XX asr boshlarida Xiva xonligi hududida istiqomat qilgan nemis-mennonitlar jamoasining moddiy-madaniy merosi manbashunoslik va muzeyshunoslik nuqtayi nazaridan tadqiq etiladi. Tadqiqotda Oq masjid hududida shakllangan mennonitlar jamoasining tarixiy faoliyatini yoritishda yozma, arxiv, moddiy-ashyoviy va fotovizual manbalarning ilmiy imkoniyatlari tahlil qilinadi. Shuningdek, muzey fondlarida saqlanayotgan qishloq xo‘jaligi, hunarmandchilik, maishiy hayot va fotografiyaga oid predmetlarning tarixiytexnologik ahamiyati ochib beriladi. Mennonitlarning agrotexnika, chorvachilik, metallga ishlov berish, qurilish va fotografiya sohalaridagi faoliyati Xiva xonligida Yevropa texnologik tajribasining mahalliy muhit bilan o‘zaro ta‘sirini ko‘rsatadigan muhim tarixiy jarayon sifatida baholanadi. Tadqiqot natijalari Oq masjid mennonitlari merosini tizimli kataloglashtirish, raqamlashtirish va xalqaro manbalar bilan qiyosiy o‘rganish zarurligini ko‘rsatadi.

Abdullayeva Mohira Saparboy qizi. XIVA XONLIGIDAGI NEMIS MENNONITLAR MODDIY-MADANIY MEROSI: MANBASHUNOSLIK VA MUZEYSHUNOSLIK JIHATIDAN TADQIQ // O‘zbekistonda tarixiy va madaniy yodgorliklarni tadqiq qilishda tarix va san’atshunoslik sohalarining o‘zaro hamkorligi: muammo, yechim va istiqbollari. Guliston davlat pedagogika instituti, 2026, B.45-50. — https://konferensiya.gspi.uz/maqola/2174